دانلود دکلمه غلامرضا مظفری

غلامرضا مظفری دکلمه

دانلود دکلمه جدید غلامرضا مظفری

Gholamreza Mozafari – Deklame

Download New Declamation From Gholamreza Mozafari

ئه‌گه‌ر روژێ تواسی بای وه‌ سه‌ردان / له‌ هه‌ورامان له‌ ماڵ خوه‌د وه‌ باوان

کراسێ کوردیید ئه‌ر کردیه‌ وه‌ر / له کرماشان نه‌واێ بای وه خێاوان

ئه‌گه‌ر روژێ تواسی بای وه‌ سه‌ردان

له‌ هه‌ورامان له‌ ماڵ خوه‌د وه‌ باوان

کراسێ کوردیید ئه‌ر کردیه‌ وه‌ر

له کرماشان نه‌واێ بای وه خێاوان

له‌ که‌سرا تا سێ راێ مه‌سکه‌ن نه‌چیدن

نه‌ بوڵوار و نه به‌رق و نه‌ وه‌ره‌و بان

دۊه‌ته‌یل بوونه‌ حه‌سۊدو گیشت کوڕه‌یل کور

پیاێ ژنداریش ژن که‌ێدن وه‌ قوروان

ت هه‌ر وه‌ختێ ک زڵفه‌یلد چنیده‌و

وه‌ ناز و توور و ئه‌توارو خه‌رامان

ده‌نگد شاقه‌ێ که‌وه‌ ره‌نگد ره‌نگ گوڵ

هناێ جور بوتێگ تیه‌یده‌ وه‌رئه‌ێوان

چمانێ خوه‌د نیه‌زانی هه‌ر ئڕاێ ت

یه‌کێ دڵ ده‌ێ یه‌کێ سه‌ر ده‌ێ یه‌کێ گیان

چه‌نه‌ هه‌ر تاڵ گیسد عاشقد هه‌س

هناێ گیسه‌یل شووڕد خه‌یدنه‌ شان

یه‌کێ ده‌س وه‌ دوعا بوودن ئڕاێ ت

یه‌کێ شێت بودنو سه‌ر نه‌ێ وه‌ کاوان

له‌ نووڕیند شه‌که‌ت نیه‌ودن چه‌و که‌س

منیده‌ وه چیمه‌نێ له‌ سه‌ر سراوان

ت،ئه‌ر گیانم توای ئۊشم وه‌ دیده‌م

گلاره‌ێ من وه بان هه‌ر دو چاوان

ده‌خیلد بووم تواسی گه‌ر بچیده‌و

شه‌واران بو وه بێ ده‌نگ و شتاوان

له‌ ناو شێعر و له ناو شارم بچو دی

قه‌زات له‌ گیانم و من ده‌س وه‌ داوان

ک تا که‌متر بشێوێ سه‌ر له‌ ماڵێگ

ک تا که‌متر بکه‌ی بێ سه‌ر و سامان

دکلمه از غلامرضا مظفری